Dix gorilles pour un nain .

<br /> <br /> C'est un enregistrement du groupe Tavagna que l'on trouve un peu partout voici en attendant les paroles Tu le trouveras dans Deezer .<br /> <br /> <br /> <br /> L’anu chjosu ind’una gabbia<br /> Mi dumandu sempre perchè<br /> U dicenu periculosu,<br /> Purtatu nant’à u piacè<br /> Nantu a so porta hè scrittu SCIMIA<br /> Ma eiu guardendu lu bè<br /> Li trovu ancu una sumiglia<br /> Incù u ben’di Carlu Ghjisè<br /> Attenti à a scimia !<br /> <br /> Davant’à a gabbia, imbadate<br /> Margherita, Santa è Ninnì<br /> Guardavanu maravigliate<br /> Una cosa ch’ùn possu dì<br /> Per ùn dispiace troppu à mamma<br /> Eiu parleraghju cusì<br /> Quell’essere avia una stanga<br /> Chì si ne vede poche quì<br /> Attenti à a scimia !<br /> <br /> Ma a gabbia chjudia male<br /> È à l’ispensata s’aprì<br /> È ne surtì quell’animale<br /> Dicendu : « Avà basta cusì !<br /> Di e seghe n’aghju una techja<br /> È di ghjucà mi cù issu ballò<br /> Appruntate e patanechje<br /> V’aghju da fà vede quale eo sò ! »<br /> Attenti à a scimia !<br /> <br /> Amparendu ch’ellu era pussellu<br /> Margherita, Santa è Ninnì<br /> Attipponu per u chjusellu<br /> Dicendu : « ùn ci vole à stà quì ! »<br /> Santa dicia : «N’aghju vistu<br /> Ma di ssu calibru custì,<br /> Mancu quellu parasciuttistu<br /> Ch’eiu cunnobbi à Djibouti ! »<br /> Attenti à a scimia !<br /> <br /> Tandu nacque a cunfusione<br /> È tutta la ghjente scappò<br /> Fora di un ghjudice di struzzione<br /> È d’una vechja in caraccò<br /> A vechja disse : « Anima santa,<br /> Dipoi ch’ellu hè mortu Antò<br /> Ùn n’aghju paspatu tantu,<br /> Ùn diceria minca di innò ! »<br /> Attenti à a scimia !<br /> <br /> Quellu ghjudice spenseratu<br /> Pensava : « chì mi pò fà ? »<br /> Da una scimia à un magistratu<br /> Ci hè qualchì differenza ma<br /> L’animale pocu garbatu<br /> Di a vechja ùn si primurò<br /> Trascinò u disgraziatu<br /> Ind’è a chjostra di Petru Antò<br /> Attenti à a scimia !<br /> <br /> Ciò chì si passò à lu bughju<br /> Ùn vi la possu mancu cuntà<br /> Di lu magistratu lu mughju<br /> Si sentia da fiume in dà<br /> Sgucciulava, stringhjia i denti<br /> Pienghjulava è chjamava : « O Mà !»<br /> Cum’è tanti è tanti nucenti<br /> Ch’ellu avia fattu scapà<br /> Attenti à a scimia !<br /> <br /> Paroles et musique : Georges Brassens<br /> Adattazione : Leo Donati, Ghj.Maria Casanova<br /> Accunciamenti : Tavagna, M. Bothwell<br /> Ghitare : A. Belgodere, A. Leonelli, A. Tatich<br /> Urganettu : J.J. Franchin<br /> Contrabassa: Ghj.Maria Giannelli<br /> <br /> <br /> <br />